Qyzyl teńizdegi Sounion munaı tankeri tórt apta boıy janyp jatyr

ASTANA. KAZINFORM – Grek týynyń astyndaǵy Sounion tankeri 21 tamyz kúni hýsıtterdiń zymyran soqqysynan keıin otqa orandy. Kemeniń bortynda 150 myń tonna munaı (1 mıllıon barrel) bar, biraq ázirge aǵa qoımaǵan. Alaıda ekologııalyq qaýpi joǵary. Bul týraly Energy monitor aqparattyq-saraptamalyq kanaly habarlady. 

Qyrkúıek aıynyń basynda hýsıtter tankerdi súıreýge ruqsat berdi. Biraq sarapshylar palýbadaǵy órt oshaqtary men joǵary temperatýraǵa baılanysty bul protsesti qaýipti dep tapty. Basqadaı sheshimder uzaq ýaqyt zertteldi.

Janyp turǵan munaı tankeri ótip bara jatqan kemelerge qaýip tóndiredi. Onyń janynda grek qutqarý kemesi, grek fregaty «Psara» jáne frantsýz áskerı kemesi kezeshilik etip tur. Barlyǵy tanker men ondaǵy júkti qutqarýdyń jańa áreketiniń bastalýyn kútip tur.

Tasymaldaýǵa EO Áskerı-teńiz kúshteriniń Aspides mıssııasy kómektesedi.