Qyzyl teńizde shabýylǵa ushyraǵan júk kemesi sýǵa batyp ketti
ASTANA. KAZINFORM – Iemenniń batys jaǵalaýyndaǵy Qyzyl teńizde jarylǵysh zat tıelgen katerdiń shabýylyna ushyraǵan júk kemesi sýǵa batty, dep habarlaıdy Anadolý.
Bul týraly Iemen úkimetine adal Ulttyq qarsylasý kúshteriniń ókili Faıızı Nýrı Avlııa málimdedi.
Onyń aıtýynsha, jaǵalaý kúzeti men Iemen áskerı-teńiz kúshteri júrgizgen birlesken operatsııanyń nátıjesinde ekıpajdaǵy 14 adamnyń barlyǵy qutqaryldy. Olardyń 13-i – Úndistan azamaty, bireýi – Iemen azamaty.
Faıızı Nýrı Avlııanyń málimetinshe, keme hýsıtterdiń baqylaýyndaǵy Hodeıda qalasynan 13 teńiz mıli qashyqtyqta shabýylǵa ushyraǵan.
Ol kemeniń Úndistanǵa tıesili ekenin aıtty. Shabýyldy kim uıymdastyrǵanyn naqtylamady.
20 shildede Iran qoldaıtyn Iemendegi «Ansar Alla» (hýsıtter) qozǵalysy Qyzyl teńizdegi keme qatynasyna «tyıym» engizilgenin jarııalady. Hýsıtter muny Saýd Arabııasynyń ózderi baqylaýyndaǵy Iemen aýmaqtaryn qorshaýǵa alýyna jaýap dep túsindirdi.
Al Ormýz buǵazy mańynda taǵy eki munaı tankerine shabýyl jasaldy.
