Qyzyl sharaptan nege bas aýyrady - ǵalymdar jańa zertteý jasady
Amerıkalyq ǵalymdar bir bokal qyzyl sharap ishken keı adamdardyń nelikten bas aýyratyny týraly jańa gıpoteza jasady. Budan bólek, olardyń teorııasyna sáıkes, arzan sharapqa qaraǵanda qymbat sharap ishken adamnyń basy kóbirek aýyrýy kerek. Kazinform agenttigi bul týraly VVS-ge silteme jasap habarlaıdy.
Kalıfornııa ýnıversıteti zertteýshileriniń pikirinshe, qyzyl sharap ishkennen keıin bas aýrýy qara júzim quramyndaǵy kvertsetın dep atalatyn antıoksıdanttan bolady.
Scientific Reports jýrnalynda jarııalanǵan maqalaǵa sáıkes, onyń adam aǵzasynda bolýy alkogol metabolızmine teris áser etedi.
Kraýdfandıng esebinen qarjylandyrylǵan zertteý avtorlarynyń atap ótýinshe, júzim ósip jatqanda oǵan kún sáýlesi neǵurlym kóp tússe, quramynda kvertsetın soǵyrlym kóp bólinedi.
ıAǵnı, bas aýrýyna beıim adamdar úshin bul turǵydan qymbat sharap arzan sharapqa qaraǵanda zııan bolýy múmkin, deıdi zertteý avtorlarynyń biri, professor Endrıý Ýoterhaýs.
«Arzan júzim bórikbasy qalyń úlken júzim butalarynda ósiriledi, sondyqtan olarǵa kún kóp túspeıdi, al joǵary sapaly júzim japyraǵy azyraq butalarda ósedi», — dep túsindirdi ol.
Alaıda basqa sarapshylar qymbat sharapqa qaraǵanda arzan sharapty maqtaýdan tartynyp otyr.
Londondaǵy Patshaıym Marııa ýnıversıtetiniń tájirıbelik terapııa salasyndaǵy sarapshy, professor Rodjer Korderdiń atap ótýinshe, qoǵamdyq tutynýǵa arnalǵan arzan sharap daıyndaýda bas aýrýyn týǵyzýy múmkin qospalar qoldanylady.
Bul — sharap jasaý protsesin tezdetetin pektınaza, sondaı-aq dımetıldıkarbonat dep atalatyn konservant.
Professor Korder olardyń ydyraýynyń ónimi metanol ekenin atap ótip, tıisti ǵylymı zertteý júrgizýge shaqyrdy.
«Biz myńjyldyq qupııany túsindirýdiń durys jolynda kele jatyrmyz. Kelesi qadam — bas aýrýyna beıim adamdarda bul teorııany ǵylymı túrde synaý, sondyqtan jańalyq qaraq júrińizder, - deıdi zertteýdiń birlesken avtory, nevrologııa sarapshysy jáne Kalıfornııa ýnıversıtetiniń bas aýrýy ortalyǵynyń dırektory, professor Morrıs Levın.
