Qyzyǵýshylyq oıatý úshin júktedik – depýtat-sýperqaharman eldi dúrliktirgen vıdeoǵa pikir bildirdi

ASTANA. KAZINFORM – Májilis depýtaty Rýslan Berdenov otandyq vıdeograf túsirgen rolıktiń qaharmanyna aınaldy. Onda ol elordadaǵy eń záýlim ǵımarat - Ábý-Dabı Plazanyń tóbesinde sýperqaharman shekpenimen ári sýperqaharmandarǵa arnalǵan mýzyka yrǵaǵymen elordaǵa kóz salyp turady. Osyǵan oraı agenttik tilshisi depýtatqa habarlasyp, mán-jaıdy anyqtaýǵa tyrysqan edi.

«Bul - áleýmettik rolıktiń bóligi. Qazirgi ýaqytta montajdaý júrip jatyr. Daıyn bolǵan kezde ózderińiz de kóresizder. Men jetkilikti aqparat berdim», - dep jaýap berdi Rýslan Berdenov habarlama arqyly. 

Osydan keıin agenttik tilshisi rolık avtory jáne ázirshe ataýy belgisiz bolyp turǵan áleýmettik jobanyń ıdeıalyq kómekshisi - vıdeograf Ádilet Rahmetýllaǵa habarlasqan edi. Óıtkeni, ol atalǵan rolıkti áleýmettik jelige júktegen bolatyn. 

«Biz áleýmettik rolık túsiremiz. Bul vıdeony qyzyǵýshylyq oıatý maqsatynda túsirdik. Al qalǵanyn sońynda kóresizder», - dedi bloger. 

Olar munan ári oqıǵanyń mán-jaıyn aıtýdan bas tartyp otyr. 

Rolık áleýmettik jelide sanaýly ǵana ýaqyt bolǵanyna qaramastan, jurtshylyqtyń birazy ony kórip, pikirlerin qaldyryp úlgerdi. Tipti, depýtattyń bul áreketine tańdasynyn bildirip jatqandar da bar.

Jeli qoldanýshylary depýtat osy áreketi arqyly býkmekerlik keńselermen jáne lýdomanııamen kúreske bel sheshe kiristi degen oıda. Óıtkeni, depýtat atalǵan qoǵamdyq kesel jaıynda jıi másele kóterip júr.