«Qyzǵylt qazan» aktsııasy: 8 myńnan astam áıel sút bezi obyryna erte dıagnostıkadan ótti
ASTANA. KAZINFORM – Qazaqstanda 8 myńnan astam áıel «Qyzǵylt qazan» respýblıkalyq aktsııasyna qatysyp, sút bezi obyryna erte dıagnostıkalyq tekserýden ótti.
Aktsııa halyqtyń sút bezi obyry týraly habardarlyǵyn arttyrý maqsatynda Qazaq onkologııa jáne radıologııa ǵylymı-zertteý ınstıtýtynyń bastamasymen jáne elimizdiń 20 óńirlik onkoortalyǵynyń qatysýymen uıymdastyryldy.
Aktsııa sheńberinde onkoortalyqtar men emhanalarda ashyq esik kúnderi, kásiporyndarda kóshpeli tekserýler, sondaı-aq áıelderge arnalǵan dárister men konsýltatsııalar ótkizildi. Profılaktıkalyq is-sharalarǵa iri kompanııalar da atsalysyp, dárigerlermen kezdesý alańdaryn usyndy.
Mammografııany qosa alǵanda barlyǵy 3 440 zertteý men taldaý júrgizildi. Nátıjesinde 629 áıelden onkologııalyq jáne isikaldy úderister, 2 573 áıelden ózge patologııalyq ózgerister anyqtaldy.
«Qazaqstanda ótken keń aýqymdy «Qyzǵylt qazan» aktsııasy sút bezi obyrynyń profılaktıkasy men halyqtyń habardarlyǵyn arttyrýdyń tıimdi quraly ekenin kórsetti. Endigi mindet – qol jetkizilgen nátıjelerdi bekitý, erte anyqtaý júıesin kúsheıtý jáne profılaktıkany árbir áıeldiń ómir saltynyń ajyramas bóligine aınaldyrý», – dedi Qazaq onkologııa jáne radıologııa ǵylymı-zertteý ınstıtýtynyń basqarma tóraǵasy Erbol Bekmuhambetov.
Aıta keteıik, Almatyda ómirden ótken áıel 6 adamǵa donor boldy.