Qyzǵaldaq julsańyz, qylmystyq is qozǵalady

ASTANA. KAZINFORM – Qyzǵaldaq julǵan azamattyń ústinen qylmystyq is qozǵalady. Bul týraly Ortalyq kommýnıkatsııalar qyzmetindegi brıfıngte Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń tóraǵasy Danııar Turǵambaev aıtty.

- Búginde ekologııalyq tárbıemiz tómen. Sondyqtan mekteptermen birge jumys istep jatyrmyz. Naýryz aıynda «Parkter sherýi» aktsııamyz bastalady. Onyń aıasynda árbir mekatepke baryp, ekologııalyq aǵartý jumystaryn júrgizý josparymyzda bar. Sol kezde Qyzyl kitapqa qandaı ósimdikter, janýarlar engenin, olarmen ne isteýge bolatynyn, bolmaıtyndyǵyn túsindirmekpiz, - dedi ol.

Komıtet tóraǵasy qyzǵaldaqty adamdar jol boıynan baıqap, qyzyǵýshylyqpen julatyndyǵyn aıtady. Onyń atap ótýinshe, qyzlǵaldyq julý faktileri ótken jyly Almaty, Jetisý, Túrkistan oblystarynda baıqalǵan. Biraq, ol qyzǵaldaq julǵandarǵa aldaǵy ýaqytta naqty qansha aıyppul salynatyndyǵyn aıta almaıtyndyǵyn jasyrmady.

- Biraq ol Qyzyl kitapta bolǵandyqtan eń birinshi kezekte qylmystyq is qozǵalady. Bul bizdiń quziretimizge kirmeıdi. Zań buzýshylyqqa barǵan adamǵa qatysty ishki ister organdary tarapynan is qozǵalady, - dedi Danııar Turǵambaev. 

Ótken jyldyń sáýirinde Túrkistan oblysynda qyzǵaldaq julǵan boıjetken jaýapqa tartylatynyn jazǵan edik.