Qyzdardyń anketasyn saıtqa ornalastyrǵan: ShQO-da jeńgetaı prıton uıymdastyrǵan

ShQO-da prıton uıymdastyrǵan jeńgetaı ustaldy, dep habarlaıdy Kazinform Polisia.kz-ke silteme jasap.

«Jedel-izdestirý is sharalary barysynda polıtseıler jezókshelikpen aınalysý úshin prıton uıymdastyrdy jáne oǵan basshylyq etti degen kúdikpen Óskemen qalasynyń 41 jastaǵy turǵynyn ustady», - delingen polıtsııa málimetinde.

Jeńgetaı tyıym salynǵan saıtta er adamdarǵa jynystyq sıpattaǵy qyzmetter kórsetetin qyzdardyń anketalaryn ornalastyrǵan. Tapsyrys boıynsha barlyq qońyraýdy ózi qabyldap, klıentterdi jaldamaly páterlerdegi bos qyzdarǵa jiberip otyrǵan.

«Qyzdar ár mámileden túsken aqshanyń 50% berip kelgen. ShQO Polıtsııa departamenti QR QK-niń 309-baby 2-bóligi boıynsha sotqa deıingi tergeý bastady», - dep tolyqtyrdy polıtsııadan.