Qyzdar mindetti áskerı qyzmetke shaqyryla ma
ASTANA. KAZINFORM — Májilis kýlýarynda QR Qorǵanys mınıstriniń tárbıe jáne ıdeologııalyq jumystar jónindegi orynbasary Asqar Mustabekov áıelderdi áskerge alý týraly jýrnalıster suraǵyna jaýap berdi.
Aldymen ol qazir qyzdardyń óz erkimen áskerge barýy jóninde pikir bildirdi.
— Usynystar bar. Qyzdar tirkelip jatyr, — dedi Asqar Mustabekov.
Jýrnalıster «Geosaıası jaǵdaı ýshyqqan jaǵdaıda Izraıldegideı qyz-kelinshekterge de mindetti áskerı qyzmetke shaqyrý jiberile me?» — dep surady.
— Bizde ondaı joq, josparda da joq, — dep jaýap berdi Qorǵanys mınıstriniń orynbasary.
Aıta keteıik, buǵan deıin Qorǵanys mınıstrligi áskerde namaz oqýǵa qatysty málimdeme jasaǵanyn jazǵanbyz.
