Qyz zorlap, 13 jyl jasyrynyp júrgen kúdikti Qyrǵyzstannan ekstradıtsııalandy

ASTANA. KAZINFORM — Bas prokýratýranyń qyzmetkerleri Qyrǵyz Respýblıkasynan toptyq zorlaý úshin qylmystyq jaýaptylyqqa tartý maqsatynda Qazaqstan azamatyn ekstradıtsııalady. 

— Kúdikti 2012 jyly Jambyl oblysynda basqa alty adammen birge jıynǵa eki qyzdy shaqyryp, olardyń sýsyndaryna klofelın aralastyrý arqyly dármensiz kúıge keltirip, erkinen tys jynystyq qatynasqa túsken. Qylmysqa qatysýshylar ártúrli jaza merzimderine sottalǵan, al kúdikti jasyrynyp, 13 jyl izdeýde bolǵan, — delingen Bas prokýratýra habarlamasynda. 

Aǵymdaǵy jyldyń sáýirinde ol Bishkek qalasynda ustalyp, Bas prokýratýranyń suraýy boıynsha elge ekstradıtsııalandy.

Qazir kúdikti ýaqytsha ustaý ızolıatoryna qamaldy.

Aıyptalǵan qylmysty jasaǵany úshin bes jyldan on jylǵa deıingi merzimge bas bostandyǵynan aıyrý jazasy kózdelgen. 

Aıta ketelik halyqaralyq izdeýde bolǵan qazaqstandyq Mysyrda ustalǵan edi.