Qyz Jibek kıgen qamzoldyń budan keıingi taǵdyry belgili boldy
ASTANA. KAZINFORM — Qazir atalǵan mýzeıdegi barlyq jádiger tsıfrlandyrylyp jatyr. Bul jónindet QR Mádenıet jáne aqparat vıtse-mınıstri Evgenıı Kochetov Úkimet kýlýarynda málimdedi.
— «Qyz Jibek» fılminde kıilgen qamzol — Qazaqstan kınemetografııasy jáne jalpy qazaq kınosynyń tarıhy úshin qasıetti dúnıe. Qazir bul máselege qatysty tekseris júrgizip jatyrmyz. Áripteserim qurmetti Merýert Ótekeshovamen sóılesti, biz kelistik. Qyz Jibektiń barlyq kostıými jınaqtalǵan soń, «Qazaqfılm» mýzeıine tabystalady. Muny Merýert Ótekeshovanyń ózi de usynyp, qoldap otyr. Aldaǵy ýaqytta mundaı jaǵdaılar qaıtalanbaý úshin «Qazaqfılmdegi» barlyq kıim men jádigerdi tsıfrlandyryp jatyrmyz. Olar — qazaqstandyq kınolarda qoldanylǵan qundy muralar. Endi jádigerlerdi qarap, baqylap otyrýǵa bolady, — dedi vıtse-mınıstr.
Sonymen birge, ol Mádenıet jáne aqparat mınıstrligi qazaqstandyq fılmderde paıdalanylǵan kóptegen rekvızıtti uzaq jyl boıy saqtap kele jatqanyn atap ótti.
Aıta keteıik, buǵan deıin «Qyz Jibek» fılmindegi qamzoldardyń biri mýzeı qorynda saqtaýly turǵanyn jazǵanbyz.
