Kıiz úı endi álemdik mádenıettiń bir bólshegi retinde tanylady – Erlan Karın

ASTANA. KAZINFORM – «Kıiz úıdi jasaý jáne qoldaný dástúri» atalymy keńeıtiledi. Bul týraly memlekettik keńesshi Erlan Qarın telegramdaǵy paraqshasynda jazdy.

– Úndistannyń Nıý-Delı qalasynda ótip jatqan ıÝNESKO Úkimetaralyq komıtetiniń 20-shy sessııasynda «Kıiz úıdi jasaý jáne qoldaný dástúri» atalymyn keńeıtý týraly sheshim qabyldandy. Ony bedeldi tizimge 2014 jyly Qazaqstan men Qyrǵyzstan engizgen bolatyn. Bul kıiz úıdi álemdik mádenıettiń bir bólshegi retinde taný múmkindigin arttyrady jáne Ortalyq Azııa murasynyń ortaq ekenin aıǵaqtaıdy, - dep jazdy memlekettik keńesshi. 

Ol sondaı-aq Qazaqstan osyǵan deıin ıÝNESKO-nyń materıaldyq emes mádenı muralarynyń reprezentatıvti tizimine 14 atalym qosqanyn, elimiz atalǵan kórsetkish boıynsha 183 memlekettiń ishinde úzdik 25 eldiń qatarynda turǵanyn erekshe atap ótti. 

– Qazirgi tańda Qazaqstannyń «Salbýryn» ulttyq ótinimi jáne «Keste tigý óneri» (Qazaqstan, Ózbekstan, Tájikstan), «Kıiz basý óneri» (Qazaqstan, Qyrǵyzstan, Ázerbaıjan, Iran, Mońǵolııa, Tájikstan, Túrkııa, Ózbekstan), «Alpamys jyry» (Qazaqstan, Ázerbaıjan, Túrkimenstan, Túrkııa, Ózbekstan), «Taqııa» (Qazaqstan, Túrkimenstan, Ázerbaıjan, Qyrǵyzstan, Tájikstan, Ózbekstan, Túrkııa) atalymdary ıÝNESKO-nyń qaraýynda ekenin aıta ketken jón, - dedi Erlan Qarın.

Eske sala keteıik, buǵan deıin ıÝNESKO Ortalyq Azııa halyqtarynyń kıiz úıin mádenı mura tizimine qosqanyn jazǵan edik.