«Qıyrdaǵy qazaqtar» derekti fılminiń alǵashqy serııasyn túsirý aıaqtaldy
«Sonymen, «Qazcontent» AQ «Qıyrdaǵy qazaqtar» fılminiń tızerin nazarlaryńyzǵa usynady. «Qazaqstan tarıxy» ınternet-portalynyń jetekshisi Oljas Berkinbaev pen joba ujymy qyrýar sharýany bitirip, myńdaǵan shaqyrymdardy artqa tastap, ózge eldegi qandastarymyzdyń tynys-tirshiligin kórsetkisi kelýde», - dep jazdy E. Kochetov óziniń Feısbýktegi paraqshasynda.
Derekti fılmniń basty maqsaty - sheteldegi qandastarymyzdyń tynys-tirshiligin kórsetý.
Esterińizge sala keteıik, ústimizdegi jyldyń shilde aıynda QR Aqparat jáne kommýnıkatsııalar mınıstri Dáýren Abaevtyń qatysýymen sheteldegi qazaqtardyń tarıxy men kúndelikti ómirlerin kórsetetin aýqymdy jobanyń bastalǵanyn málimdegen brıfıng ótken edi. Sol ýaqyttan beri alys-jaqyn shet elderde túsirilim jumystary júrgizildi.
Jýyq arada fılmniń birinshi serııasy jaryqqa shyǵady, alǵashqy toqtaǵan el Reseı. Fılm keler jyly Ózbekstan, Tájikstan jáne Mońǵolııa elderinde óz jalǵasyn tabady dep kútilýde.
