Qıyr Shyǵysta kómirden altyn óndirý tásili tabyldy
ASTANA. QazAqparat - Qıyr Shyǵysta kómirden altyn óndirile bastady. Bul týraly QazAqparat tilshisi Reseı ǵylym akademııasynyń aımaqtyq bólimine silteme jasap habarlaıdy.
Ǵalymdar kómirdiń ár tonnasynan bir grammǵa deıin baǵaly metall alatyn eksperımenttik qondyrǵy oılap tapty. Qurylǵyny kelesi jyly oblystaǵy jylý qazandyqtarynyń birine engizý josparda bar.
Amýr ǵalymdary 15 jyl boıy túrli ken oryndarynan alynǵan qatty otyn quramyna taldaý jasady. Anyqtalǵandaı, Erkovetsk basseıniniń bir tonna kómirinde shamamen 1 gramm altyn bar. Demek, jyl saıyn oblystyń ár qazandyǵy mıllıondaǵan rýbldi jelge shashýda.
«Súzgide paıdaly jáne zııan komponentterdiń shógip qalatynyn Amýr ǵylymı ortalyǵynyń ǵalymdary dáleldep qoıǵan. Eger qondyrǵy ár tonnadan jarty gramm altyn óndirse de, paıda ákeledi. ıAǵnı, bir tonna kómir jaǵyp, 1500 rýbl tabýǵa bolady», - dedi «Amýr ǵylymı ortalyǵynyń keshendi ınnovatsııalyq tehnologııalary» AAQ bas dırektory Oleg Ageev.
Qondyrǵynyń jumysy ońaı. Janǵan kómirdiń tútini júzdegen tazalaý júıesinen ótedi. Aldymen qospalar (zııan qospalar da) sýmen shaıylady, súzgilerden ótedi. Sodan keıin paıda bolǵan altyn kontsentratyn affınajǵa jiberedi.
Ádis patenttelgen.
