Qıynǵa soqsa da otandastarymyz tártipke baǵynyp, shydamdylyq tanytqany jón – «Aýyl» HDPP málimdemesi
«Aýyl» halyqtyq – demokratııalyq patrıottyq partııasynyń málimdemesi
Qazaqstan Respýblıkasynyń Prezıdenti Qasym-Jomart Toqaev koronavırýs indetiniń taralýyna oraı iri qalalarda jarııalanǵan karantın merzimin sáýir aıynyń sońyna deıin uzartý týraly sheshim qabyldaǵanyn jarııalady. Memleket basshysy óz sózinde Tótenshe jaǵdaı boıynsha qazirge deıin atqarylǵan is-sharalardyń barysyna baǵa berdi. Shyn máninde bul indet elimiz úshin táýelsizdik tarıhyndaǵy kúrdeli syndardyń biri boldy. Eń bastysy– eldiń amandyǵy. Aıaýsyz derttiń aldyn alyp, azamattarymyzdyń ómirine tóngen qaýiptiń tezirek betin qaıtarý eldik maqsatymyzǵa aınalýy tıis, bul ymyrasyz kúreste. Memleket ózine tıesili mindetterin atqaryp jatyr. Sonyń nátıjesinde elimizdiń iri qalalarynda kúndelikti indetke shaldyqqandar sanynynyń azaıyp kele jatqandyǵy baıqalady. Alaıda óńirlerde naýqastar sany artýda. Ásirese Prezıdent aıtqandaı halqy tyǵyz ornalasqan ońtústik óńirlerde epıdemııamen kúrestiń qarqynyn bir sátke bolsa da báseńdetýge bolmaıdy. Bul turǵydan alǵanda memleket basshysynyń Almaty, Nur-Sultan, Shymkent syndy qalalardaǵy karantın merzimin sáýir aıynyń sońyna deıin uzartý týraly sheshimine el bolyp qoldaý kórsetýge tıispiz. Bul jaıdan – jaı qabyldanǵan sheshim emes.
Tabıǵaty beımálim vırýspen kúresýdegi álem elderiniń basynan ótken tájirıbe. Qazirshe indettiń keń taralmaýyna tosqaýyl bolatyn tıimdi tásildiń eldi mekenderdi karantınge alyp, turǵyndardyń oqshaýlandyrylýy ekenin tótenshe jaǵdaıdyń tájirıbesi de dáleldep berip otyr. Sondyqtan qanshalyqty qıynǵa soqsa da, otandastarymyzdyń tártipke baǵynyp, shydamdylyq pen sabyrlylyq tanytqandary abzal.
Prezıdent Qasym – Jomart Toqaev memlekettik qurylymdardyń qazirge deıingi jumysyna oń baǵa bere otyryp, keıbir bılik organdarynyń jumysyndaǵy olqylyqtardy da atap ótti. Ókinishke oraı memleket tarapynan belgili toptaǵy turǵyndarǵa qarastyrylǵan kómek pen járdemaqyny adresattarǵa jetkizý máselelerinde azdy-kóp olqylyqtar oryn alǵany ras. Keı aımaqtarda karantındik jaǵdaıǵa qaramastan, turǵyndardyń bankterdiń tóńiregine jınalǵany baıqaldy. Epıdemııa jaǵdaıynda mundaıǵa múldem jol berýge bolmaıdy. Jergilikti bılik ókilderi men qarjy ınstıtýttary atalmysh máselelerdiń sheshim jolyn keshiktirmeı tabady dep senemiz. Bul rette otandastarymyzdyń da qarapaıym sanıtarlyq erejelerdi saqtap, talap, tártipke baǵynyp, jaýapkershilik tanytqany abzal. El Prezıdenti buǵan deıingi málimdemelerinde atap ótkenindeı tótenshe jaǵdaıda qazir el kóleminde júrip jatqan kóktemgi egistik jumystary shuǵyl sharalar men shapshań áreketterdi kerek etedi. Alaıda joǵaryda qabyldanǵan pármendi sheshimderdiń jekelegen vedomstvolar men aımaqtarda júzege asyrylýy kóńil kónshitpeıdi. Kúni keshe ǵana aımaqtardaǵy dıqandardyń janaıqaıy «Aýyl» partııasynyń tóraǵasy Álı Bektaevtyń Senat depýtaty retinde Úkimetke depýtattyq saýal joldaýyna sebep boldy. Kóktemgi dala jumystaryn erte bastaǵan ońtústik óńirlerde alǵashqy ónim de jınala bastady. Qyzylorda, Jambyl, Almaty oblystaryndaǵy jylyjaılar men dala eńbekkerleriniń ónimderi taǵy bar. Ókinishke qaraı, buryn óz ónimderin oblys ortalyqtaryna, iri megapolısterge, tipti Reseı qalalaryna shyǵaryp júrgen sharýalar tótenshe jaǵdaıǵa baılanysty qoıylǵan blok beketterden óte almaı, kóp qıyndyq kórýde eken. Dál qazirgideı sharýa qalanyń naryǵyna, qala sharýanyń ónimine asa zárý shaqta osy máseleni uıymdastyryp bere almaýy jergilikti bılik ókilderi tarapynan jiberilgen úlken olqylyq. Memleket basshysy osyǵan deıingi málimdemesinde Úkimetke otandyq aýyl sharýashylyǵy taýar óndirýshileriniń ónimderin 6 aıǵa kepildi satyp alý mehanızmin qalyptastyrýdy tapsyrdy emes pe? Osy tapsyrmany jedel túrde qolǵa alǵanda bul kúnderi joǵaryda aıtylǵan jaıttar oryn almas ta edi. Birneshe aptadan keıin elimizdiń astyqty soltústik aımaqtarynda kóktemgi dala jumystary bastalady. Jaýapty vedomstvo basshylary men jergilikti ákimdikter ol óńirlerdegi kóktemgi egis jumystarynyń óz deńgeıinde, ýaqtyly uıymdastyrylýyn qamtamasyz etedi dep senemiz.
Qurmetti otandastar, el Prezıdenti Qasym-Jomart Kemelulynyń elimizdiń iri qalalaryndaǵy karantın merzimin sáýir aıynyń sońyna deıin uzartý týraly sheshimin túsinistikpen qabyldap, parasattylyq tanytyp, sabyrlylyq pen shydamdylyq kórsetýge shaqyramyz. Biz birgemiz !
«Aýyl» Halyqtyq demokratııalyq patrıottyq partııasynyń Saıası keńes Prezıdıýmy
