Qıyndyqtarǵa qaramastan Eýrazııalyq ekonomıkalyq odaqtyń bolashaǵy bar - Toqaev
NUR-SULTAN. QazAqparat – Qıyndyqtarǵa qaramastan Eýrazııalyq ekonomıkalyq odaqtyń bolashaǵy bar. Bul týraly Peterbýrg halyqaralyq ekonomıkalyq forýmynyń plenarlyq otyrysynda Qazaqstan Prezıdenti Qasym-Jomart Toqaev málim etti, dep habarlaıdy QazAqparat tilshisi.
Qazaqstan óziniń saýda-ekonomıkalyq strategııasynda sanktsııalardy eskeredi - Prezıdent
«Qazaqstanǵa qatysty aıtatyn bolsam, bizdiń elge tikeleı qysym jasalyp jatyr dep aıtpas edim», - dedi Qasym-Jomart Toqaev.
Osy oraıda Prezıdent sanktsııalar kelissózben sheshiletinin atap ótti.
«Árıne, bizdiń saýda-ekonomıkalyq strategııamyzda bul sanktsııalardy eskeremiz. Alaıda Reseımen aradaǵy bizdiń burynǵy sharttarmen baılanysty Qazaqstannyń mindettemeleri bar. Oǵan qosa, tarıhty aıtpaǵannyń ózinde, geografııamyz bizge óte erekshe jaǵdaıda birge jumys isteýmiz qajettigin meńzep otyr», - dedi Memleket basshysy.
Prezıdent eki el arasynda jańa jaǵdaıda ónerkásip kooperatsııasynyń arnaıy baǵdarlamasy bar ekenin eske saldy.
«Atap aıtqanda, qıyndyqtarǵa qaramastan Eýrazııalyq ekonomıkalyq odaqtyń bolashaǵy bar. Osy odaqqa kirýdi durys sanaǵan elder eleýli ekonomıkalyq kúsh pen áleýetti qurap otyr», - dedi Qasym-Jomart Toqaev.
Degenmen Prezıdent naqty qıyndyqtar áli de bar ekenin atap ótti. Sondyqtan ózara qolaıly sheshimderdi izdestirýdegi kelissózder protsesinde tıisti máselelerdi sheshýge erekshe ekpin qoıylady.
