«Qıyn» jasóspirimderge Astananyń ustaý ızolıatorlary men túrmeleri kórsetildi
ASTANA. 15 naýryz. QazAqparat - Qalalyq Іshki ister departamentinde «qıyn» balalardy tárbıeleýdiń jańa tásili tabyldy. Polıtsııa qyzmetkerleri balalar ustaý ızolıatorlary men túrmelerdi kózimen kórip, tártip buzýdyń qandaı aýyr zardaptary bolatynyn túsinedi dep úmittenedi. Bul týraly astana.kz habarlaıdy.
Departamenttiń baspasóz qyzmetiniń málimetinshe, búgingi kúni qalanyń ІІD ıývenaldy polıtsııasynda profılaktıkalyq esepte 400-den astam jasóspirim turady.
Búgin «Jasóspirim - Zań - Qaýipsizdik» aktsııasy aıasynda 14 pen 16 jas aralyǵyndaǵy 100 jasóspirim ýaqytsha ustaý ızolıatorynda, ákimshilik qamaýǵa alynǵan adamdardy arnaıy qamaý orny men qabyldaý-bólý oryndarynda boldy.
Ekskýrsııa barysynda polıtsııa qyzmetkerleri balalarǵa Astana qalasy Іshki ister departamenti arnaıy mekemesiniń kesheni týraly, munda qandaı qylyqtary men is-áreketteri úshin túsetinin áńgimeledi.
Arnaıy ustaý ornynda ákimshilik qamaýǵa alynǵan adamdar otyrady. «Jasóspirimder jasalǵan usaq quqyq buzýshylyqtary úshin de bas bostandyǵynan aıyrylýy múmkin ekendikterin bilýi tıisti», - dep sanaıdy vedomstvodaǵylar.
Elorda polıtsııasynyń bólimshelerine jasaǵan ekskýrsııadan basqa jasóspirimder arnaıy qyzmet oryndarynyń jumysymen tanysty. Balalarǵa ıt úıretý qyzmeti ortalyǵy úıretilgen ıtteriniń is-áreketteri unady.
