Qıyn jaǵdaıda júrgen balalarǵa erekshe nazar aýdarylmaq
ASTANA. QazAqparat - Búgin Senattyń Áleýmettik-mádenı damý jáne ǵylym komıtetiniń keńeıtilgen otyrysynda balanyń quqyqtaryn qorǵaý máselesi qarady. dep habarlaıdy QazAqparat tilshisi.
Jıynda, sondaı-aq balanyń quqyqtaryn qorǵaý máselesi jónindegi fýnktsııalardy júzege asyratyn uıymdardyń qyzmetine baılanysty máseleler boıynsha ózgerister men tolyqtyrýlar talqyǵa salyndy.
«Búginde zańdar balanyń qıyn ómirlik jaǵdaıǵa tap bolýyn baǵalaıtyn negizdemelerdiń túrli tizbesin qamtıdy. Naqty túrde balalarǵa qajetti arnaıy áleýmettik qyzmetter júıesin kimderdiń qalyptastyratyny ashyq másele kúıinde qalyp otyr. Osyǵan baılanysty zań jobasynda kámeletke tolmaǵandar úshin qıyn ómirlik jaǵdaı túsinigi sáıkestendirildi», - dedi Májilis depýtaty Svetlana Bychkova zań jobasyn tanystyrý barysynda.
Onyń sózine qaraǵanda, balalardyń qaraýsyz jáne panasyz bolýyna jol bermeýdiń jańa formasy retinde medıtsınalyq-áleýmettik eseptilik engizildi. Bul turǵyda balaǵa arnaıy áleýmettik qyzmetterdi kórsetýdiń negizi pysyqtaldy.
«Osy sharalar qıyn ómirlik jaǵdaıǵa tap bolǵan jetkinshekterdiń medıtsınalyq-áleýmettik pasporttaryn engizýge negiz bolady dep senemiz. ıAǵnı, qıyn jaǵdaıdaǵy árbir bala ár óńirde júıelengen túrde esepke alynyp, oǵan nazar aýdarylady. Jergilikti atqarýshy organdardyń jáne kámeletke tolmaǵandar isteri jónindegi komıssııanyń qatysýymen balaǵa qatysty tıisti baǵdarlama jasalady. Bul rette oqytý nemese qajetti medıtsınalyq-áleýmettik qyzmetter qamtylyp, ony qoldaý sharalarynyń barlyq satysy men nátıjesi bdaǵylaýda bolady. Qanatqaqty qadamdar boıynsha osy jobany ıÝNISEF-pen birge iske asyrýdamyz. Eger de tolyqqanda iske qosylsa, onda ol úlken járdem bolyp, árbir balaǵa kóńil bólinedi», - dedi S. Bychkova.
