Qıyn-qystaý kezeńde Memleket basshysyna qoldaý bildirip, ótkennen sabaq alýymyz qajet - Musa Áýbákirov

PETROPAVL. QazAqparat – Petropavl turǵyny, jastar qozǵalysynyń belsendisi Musa Áýbákirov syn saǵatta el Prezıdenti óz mindetin minsiz atqardy degen pikirde. Endi qıyn-qystaý kezeńde Memleket basshysyna qoldaý bildirip, ótkennen sabaq alýymyz qajet, dep habarlaıdy QazAqparat tilshisi.

Musa Áýbákirovtiń aıtýynsha, ol qazir jaman tús kórip jatqandaı sezimde. Bul kezeńnen tezirek ótip, jaǵdaıdyń túzeletinine senimi zor.

«Ár jaman tústen oıanatyn kez bolady ǵoı. Sondyqtan bári jaqsy bolady, elimiz úshin aýyr bolǵan bul kezeńnen de ótemiz. Iıa, qazir kimge bolsyn ońaı emes. Ásirese, polıtseıler men áskerı qyzmetshilerge aýyr júk artylǵan. Osyndaı halqymyz úshin syn saǵatta Prezıdentimiz turaqtylyqqa qol jetkizý úshin beıbit, durys jáne ádil sheshimge qol jetkizý úshin barlyq kúsh-jigerin jumsady. Halyq munyń bárin kórip, túsinip otyr jáne baǵalaıdy. Prezıdentke degen senim, qurmet jáne onyń bedeli osy qorqynyshty tragedııadan keıin óse tústi», - deıdi Petropavl turǵyny.

Jastar belsendisiniń pikirinshe, Prezıdent Qasym-Jomart Toqaevtyń ár sheshimi elde beıbitshilikti ornatýǵa baǵyttalǵan.

«Qasym-Jomart Kemeluly bizdiń úmitimizdi aqtap, ózine júktelgen mindetti minsiz oryndaıtynyna senemin. Tek biz de qoldaý bildirýimiz kerek. Halyqtyń eń belsendi bóligi - jastar bolashaqqa úmitpen qaraıdy jáne jastar Prezıdenttiń elimizdegi beıbitshilik pen tynyshtyq ornatatynyna senimdi», - deıdi Musa Áýbákirov.