Qıylysta qozǵalys retteıtin polıtseılerge alataıaqtar qaıtarylýy múmkin
ASTANA. QazAqparat - Bul QR Parlamenti Senatyndaǵy parlamenttik tyńdaýda depýtat Serik Aqylbaı kóshe qıylysynda qozǵalysty retteıtin polıtseılerge alataıaqtardy qaıtaryp berýdi usyndy, dep habarlaıdy QazAqparat.
«Jol qozǵalysy erejesinde polıtseıler júrgizýshilerdi qolmen jáne alataıaq arqyly toqtata alatyny jazylǵan. Eýropalyq tájirıbeni eskere otyryp, alataıaqtardan bas tartý sheshimin jasadyq, ıaǵnı biz avtokólikpen sholǵyndaý tártibine kóshtik. Alataıaqtyń ornyna arnaıy jaryq belgileri bar kıim jáne qolǵap berilip jatyr. Turǵyndar áli de osy jańashyldyqtarǵa úırene almaı jatqany belgili, alaıda kóshe qıylystarynda qozǵalysty alataıaqsyz retteýdiń tártibinde esh ózgeshelik joq. Adamdar alataıaqqa daǵdylanyp qalǵan, keıinnen qolmen qozǵalysty baǵdarlap turǵan polıtseılerge turǵyndardyń kózderi úırenedi»,-dep toqtaldy QR Іshki ister mınıstri Qalmuhanbet Qasymov.
Óz kezeginde Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy Serik Aqylbaı keı kezderde kóshe qıylysynda alataıaqsyz kólik qozǵalysyn rettep turǵan polıtseıdiń is-qımyly durys kórinbeıtinin aıtty.
«Jol polıtseıleri osy alataıaqty ustamasa da, qıylysta qozǵalysty retteıtin qyzmetkerlerge ony qaldyrý kerek shyǵar. Ásirese, túngi ýaqytta bul alataıaqtar qajet. Men júrgizýshi retinde osy ózgeriske úırene almaı júrmin. Bul turǵyda ınternet jelisinde adamdardyń pikirleri kóptep aıtylýda»,-dedi depýtat.
Osy oraıda QR Іshki ister mınıstri bul usynysty qarastyrýǵa bolatynyn jetkizdi.
