Kıtti qutqarǵan aýstralııalyqqa aıyppul salyndy
SIDNEI. QazAqparat – Aýstralııa bıligi torǵa oratylyp qalǵan kıtti qutqarmaq bolǵan er adamǵa aıyppul saldy, dep habarlaıdy QazAqparat VVS-ge silteme jasap.
Kıt seısenbi kúni Gold-Kost (Kvınslend shtaty) qalasynda akýladan qorǵaıtyn torǵa túsip qalǵan. Ony kórgen er adam kómek suraý úshin birden bılikke júgingen. Biraq, birneshe saǵat kútkennen keıin óz qaıyǵymen júzip baryp, kıtti bosatýǵa árekettengen.
Ol aýstralııalyq BAQ-qa jaǵalaýǵa qaıta oralǵan soń ózine aıyppul salynǵanyn habarlaǵan. Aıyppul salýdyń naqty sebebi jazylmaǵan. Biraq Kvınslend shtatynyń zańy boıynsha kıtke tym qatty jaqyndaýǵa bolmaıdy.
«Men tek kıtti tordan bosatýǵa tyrystym», - dedi ol AVS-ge.
Er adam ózimen birge bolǵan pyshaqpen kıttiń júzbeqanatyn tordan bosatqan. Onyń qutqarý sátin kóptegen adam jaǵalaýdan baqylap turǵan.
Akýlalardyń jaǵalaýǵa jaqyndamaýy úshin ornatylǵan torlar basqa janýarlarǵa kedergi keltiretindikten, áli de daý týdyryp keledi. Byltyr shtattyń torlaryna kem degende bes kıt oratylyp qalǵan eken.
