Kıtterdiń arǵy tekteri batpaqtardy súzgileýden ótkizgen
ASTANA. Jeltoqsannyń 29-y. QazAqparat - Paleontologtar qazirgi kók kıtterdiń arǵy tekteri batpaqtardy súzgiden ótkizgenin anyqtady,
dep habarlaıdy QazAqparat BBC News saıtyna silteme jasap.
Júrgizilgen jumystar aıasynda zertteýshiler Jerdegi muhıttarda shamamen 25 mıllıon jyl buryn tirshilik etken Mammalodon colliveri túrlerin zerttedi. Ómir súrgen kezinde bul janýarlar úsh metrge deıin jetken. Paleontologtar zerttegen qańqalar qazirgi Avstralııanyń aýmaǵynan tabyldy.
Mammalodon colliveri túrleri ótken ǵasyrdyń 30-shy jyldarynda tabylǵan, alaıda sońǵy ýaqytqa deıin is júzinde zerttelmeı keldi. Jańa zertteýlerdiń aıasynda ejelgi kıtter usaq teńiz tirshilik ıelerin aýlaý maqsatynda tisterin batpaqty shalǵyndyqtardy súzgileý úshin paıdalanǵany anyqtaldy.
