Qytaımen shekaradaǵy pýnkterdiń ótkizý qabileti 37% ulǵaıdy
ASTANA. KAZINFORM — Avtomobıl ótkizý pýnktterin jańǵyrtý — úzdiksiz logıstıka men syrtqy saýda aǵynynyń negizgi kózi bolyp otyr. Bul týraly Qarjy mınıstri Mádı Tákıev Úkimet otyrysynda baıandady.
— Avtomobıl ótkizý pýnktterin jańǵyrtý — úzdiksiz logıstıka men syrtqy saýda aǵynynyń negizgi kózi. Búgingi tańda Qaplanbek, Atameken, Kóljat jáne Alakól sııaqty 4 pýnkt paıdalanýǵa berildi. Jyl sońyna deıin qalǵan 5 pýnkt kezeń-kezeńimen iske qosylady. Osylaısha jańǵyrtý elimizdiń syrtqy shekarasyndaǵy tıisti pýnkterdi 100% qamtıdy, — dedi Qarjy mınıstri.
Búgingi tańda ótkizý qabileti orta eseppen 25%, onyń ishinde Qytaımen shekarada 37% ulǵaıǵan. Pýnktterdegi ótý ýaqyty 9 saǵattan 3 saǵatqa deıin qysqardy.
— CargoRuqsat elektrondy kezegi iske qosylyp, 55 myń júrgizýshi men 145 myń kólik quraly tirkeldi. Jańǵyrtý aıaqtalǵan soń barlyq ótkizý pýnktteri bıznes pen azamattardyń jyldam, qaýipsiz jáne ashyq ótýin qamtamasyz etetin, syrtqy shekarany basqarýdyń biryńǵaı tsıfrlyq júıesine qosylady, — deıdi M. Tákıev.
Aıta ketsek, búgin Úkimette bıylǵy qańtar-maýsym aılaryndaǵy áleýmettik-ekonomıkalyq damý jáne respýblıkalyq bıýdjettiń atqarylý qorytyndylary qaralyp jatyr.
Buǵan deıin Mádı Tákıev bıylǵy jartyjyldyqta memlekettik bıýdjettiń kiristeri shamamen 11 trln teńgeni nemese jospardyń 106,4% quraǵanyn aıtqan edi.
Sondaı-aq, qaıtarylǵan aktıvterdiń 318,1 mlrd teńgesi áleýmettik jobalarǵa bólindi.
Al Qazaqstannyń memlekettik boryshy 40 mlrd teńgege ulǵaıyp, 31,9 trln teńgeni qurady.