Qytaımen shekara: avtomobıl ótkizý pýnktteri 10 maýsymda jumys istemeıdi

ASTANA. KAZINFORM - Qazaqstan-Qytaı shekarasyndaǵy avtomobıl ótkizý pýnktteri 10 maýsymda jabyq bolady.

QR Memlekettik kirister komıtetiniń málimetine saı, QHR-da «Aıdahar-qaıyqtary» merekesin toılaýǵa baılanysty 2024 jylǵy 10 maýsymda Qazaqstan-Qytaı shekarasyndaǵy avtomobıl ótkizý pýnktterinde tulǵalardyń, kólik quraldary men júkterdi ótkizý júzege asyrylmaıdy. 

Qazaqstan-Qytaı shekarasyndaǵy temirjol ótkizý pýnktteri shtattyq rejımde jumysyn jalǵastyrady.

Tasymaldaýshylar jáne barlyq shekarany kesip ótýge nıet bildirýshiler engizilgen shekteýlerdi eskere otyryp, óz baǵyttaryn aldyn ala josparlaýy eskertiledi.