Qytaımen aradaǵy beıtarap aýmaqta halyq malyn jaıylymǵa shyǵara beredi - AShM
ASTANA. KAZINFORM — QR Aýyl sharýashylyǵy vıtse-mınıstri Azat Sultanov eldiń shekaralas aýdandaryndaǵy jaıylym meselesine qatysty túsinik berdi.
Búgin Úkimet otyrysynan keıin baspasóz máslıhatynda tilshiler Qytaımen shekaralas aýdandarda turatyn halyqty mazalaǵan suraqty qoıdy. - Olar buryn beıtarap aımaqta malyn emin-erkin jaıyp kelgen. Alaıda 2026 jyldan bastap maldy beıtarap aımaqta jaıýǵa bolmaıtyny jaıynda eskertý jasalypty. Buǵan ne sebep boldy?, - dep surady jýrnalıster.
Óz kezeginde A. Sultanov shekaralas aýdandardaǵy turǵyndar malyn beıtarap aýmaqtarǵa jaıa alatynyn aıtty.
- Bul máseleni jer komıssııasynda da, Úkimettegi jıyndarda da, depýtattarmen de birneshe ret qarastyrdyq. Jalpy, qazirgi kezde eshqandaı shekteý joq, - dedi vıtse-mınıstr.
Degenmen, zańnamaǵa sáıkes atalǵan aýmaqta qurylysqa tyıym salynǵan.
- Osy jerlerge mal shyǵarýǵa nemese shóbin shabýǵa bolady, biraq egin egýge bolmaıdy, - dedi Azat Sultanov.
Eske salsaq, jaqynda senator Sáken Arýbaev depýtattyq saýalynda birqatar óńirde jaıylym áli de tapshy bolyp otyrǵanyn másele etip kóterdi.