Qytaılyqtar qansha zeınetaqy alady

ASTANA. KAZINFORM — Qytaıda bazalyq zeınetaqy tólemderi 2025 jyly 2%-ǵa artady, bul eń baıaý ósý qarqyny nemese tarıhtaǵy eń nashar kórsetkish. Bul týraly Beıjińdegi Caixin Global basylymy habarlaıdy. 

Zeınetaqyny turaqty arttyrý saıasaty 2011 jylǵy «Áleýmettik qamsyzdandyrý týraly» zańda bekitilgen. Oǵan sáıkes, jalaqy men ınflıatsııanyń ósýi sııaqty faktorlar eskerilip, zeınetaqy tólemderi redaktsııalanady.

2005-2015 jyldar aralyǵynda zeınetaqy tólemderi jylyna orta eseppen 10 paıyz ósti. Nátıjesinde jeke kompanııalar qyzmetkerleriniń ortasha zeınetaqysy 700 ıýannan (100 dollar) 2000 ıýanǵa deıin kóbeıdi. Alaıda sodan beri zeınetaqy ósimi báseńdep qaldy. Ósim 2016 jyly 6,5%, 2020 jyly 5%, 2023 jáne 2024 jyldary tıisinshe 3,8 jáne 3% boldy.

Halyqtyń tez qartaıýy zeınetaqy júıesiniń uzaqmerzimdi ómirsheńdigine kúmán keltirip otyr, dep túsindiredi Ekd.me ınternet-basylymy. Zertteýlerge sáıkes, Qytaıdyń zeınetaqy qory 10 jyldan keıin tapshylyqqa ushyraýy múmkin. Sonymen qatar eldegi qala men aýyldyń zeınetaqysy aıtarlyqtaı erekshelenedi.

Úkimettiń 2024 jylǵy derekterine sáıkes, Qytaıda qalalyq jumysshynyń ortasha zeınetaqysy — 3825 ıýan (530 dollar), al aýyldyq jerde 246 ıýan (34 dollar).

Eske sala keteıik, Qytaıda eń iri aınalmaly elektr jetkizý jelisi salyndy.