Qytaıda 100 myńǵa jýyq ushatyn taksı qyzmeti paıdalanylmaq

ASTANA. KAZINFORM – 2030 jylǵa qaraı Qytaıda 100 myńǵa jýyq ushatyn elektrondy apparattar (eVTOL) otbasylyq kólik nemese áýe taksıi retinde paıdalanylady. Mundaı boljam Qytaıdyń ekonomıkany zertteýmen baılanysty alıans esebinde aıtylǵan, dep habarlaıdy Kazinform agenttiginiń menshikti tilshisi.

Atalǵan qujatta kórsetilgen málimetterge qaraǵanda, aldaǵy 2-3 jyldyń ishinde Qytaıdyń iri qalalarynda eVTOL kólikke arnalǵan jeli men oǵan qyzmet kórsetetin oryndardyń qurylysy aıaqtalmaq.

Aıta ketsek, Qytaıdyń ońtústigindegi Gýanchjoý qalasynda ushatyn avtokólik zaýyty salynyp jatyr.

Zaýytta «Qurlyqtaǵy avıatasymaldaǵysh» úlgisindegi ushatyn kólikke arnalǵan modýlder shyǵaratyn bolady. Zaýyt jylyna 10 myńǵa deıin kólik shyǵarmaq.

Ushatyn modeldiń aldyn ala satylymy 2024 jyldyń sońynda bastalady.