Qytaılyq zond Aıdyń arǵy jaǵyndaǵy topyraqty Jerge jetkizdi
ASTANA. KAZINFORM – Seısenbi kúni Qytaıdyń «Chane-6» zondy Jerge qondy, ol Aıdyń arǵy jaǵynan jınalǵan topyraqty jetkizdi. Bul týraly Qytaıdyń Ulttyq ǵarysh basqarmasy habarlady.
Onyń derekteri boıynsha, «Chane-6» zondynyń qaıtarylmaly modýli seısenbi kúni Qytaı Halyq Respýblıkasynyń Іshki Mońǵolııa avtonomııalyq aýdanyndaǵy belgili bir aýmaqqa qondy, mıssııa sátti dep tanyldy.
Orbıtalyq, qoný, kóterilý jáne qaıtarylmaly modýlderden turatyn zond 3 mamyrda ushyryldy.
«Chane-6» zondy maýsym aıynyń basynda Aıdyń arǵy jaǵyna qonyp, topyraq jınap, sodan keıin úlgilerdi qaıtarylmaly apparatqa jetkizdi.
