Qytaılyq jas júzýshi álemdik rekord ornatty
ASTANA. KAZINFORM — ıÝı Tszydı Qytaı quramasy sapynda erkin stıldegi 4x200 metrlik áıelder estafetasynda álem chempıonatynyń qola júldegeri atandy, dep jazdy AZÁRTADJ.
Ol fınalda júzbegenimen, irikteý kezeńindegi qatysýynyń arqasynda medal ıelenedi. 12 jasynda ıÝı Tszydı júzý boıynsha álem chempıonattarynyń tarıhyndaǵy eń jas júldeger bolyp tirkeldi.
Swimming World jýrnalynyń habarlaýynsha, ıÝı Tszydı — sońǵy 89 jyldaǵy halyqaralyq jarystarda medal jeńip alǵan eń jas sportshy. 1936 jylǵy Berlındegi Olımpıada oıyndarynda dat sportshysy Inge Serensen 200 metrlik brass ádisinde 12 jasqa tolǵanynan bir aı ótpeı jatyp qola medal jeńip alǵan. Al ıÝı qazan aıynda ǵana 13 jasqa tolady.
AZÁRTADJ habarlaǵandaı, buǵan deıin ıÝı Tszydı jeke qashyqtyqtarda eki ret tórtinshi oryn alǵan — 200 metr keshendi júzý jáne batterflıaı ádisimen. Bul chempıonatta oǵan 400 metr keshendi júzý saıysynda qatysý qaldy.
Mamyr aıynda ótken Qytaı chempıonatynda ıÝı 200 metrlik keshendi júzýde 2 mınýt 10,63 sekýnd kórsetip, kúmis medal jeńip alyp, óz jas kategorııasyndaǵy eń úzdik nátıje kórsetti. Osy nátıjelerdiń negizinde ol álem chempıonatyna joldama aldy. ıÝı álem chempıonatyna qatysqan eń jas júzýshilerdiń biri — Bahreındik Alzaın Tarekten keıingi ekinshi orynda tur. Alzaın 2015 jyly Qazanda ótken chempıonatta nebári 10 jasynda jarysqa qatysqan.
Halyqaralyq sý sporty federatsııasy (World Aquatics) jarystarǵa eń tómengi jas shegin 14 jas dep belgilegen. Alaıda, eger sportshynyń nátıjesi irikteý normatıvinen asyp ketse, jas ereksheligine qaramastan, jarysqa qatysýǵa ruqsat beriledi.
2025 jylǵy sý sporttary boıynsha álem chempıonaty 11 shilde men 3 tamyz aralyǵynda Sıngapýrda ótýde. Bastapqyda bul chempıonat Qazanda ótýi tıis bolǵan, biraq World Aquatics sheshimimen Sıngapýrǵa aýystyryldy. Jarysqa 206 elden shamamen 2500 sportshy qatysyp jatyr.
Bul týrnırde 77 medal jıyntyǵy sarapqa salynyp, rekordtyq kórsetkish tirkelmek. Sondaı-aq, 6 mıllıon dollardan astam jalpy júlde qory jáne júzýden jańa álemdik rekord ornatqan sportshyǵa 30 000 dollar kóleminde bonýs qarastyrylǵan.