Qytaılyq jankúıer: Balalarymmen Qazaqstandy qoldaýǵa keldim

HARBIN. KAZINFORM – Hokkeıden Qazaqstan qyzdar quramasy búgin Qytaıdyń Harbın qalasynda ótip jatqan ІH qysqy Azııa oıyndarynyń A tobyndaǵy sońǵy matchyn ótkizdi. Kazinform tilshisi oıyn barysynda Qazaqstan quramasyn arnaıy qoldaýǵa kelgen qytaılyq jankúıerlermen áńgimelesip kórdi.

Қытайлық жанкүйер: Балаларыммен Қазақстанды қолдауға келдім
Фото: Kazinform

Qytaılyq kórermen Fan hanymnyń aıtýynsha, ol búgin qazaqstandyq qyzdardy qoldaýǵa arnaıy kelgen. 

– Biz qysqy Azııa oıyndarynyń barlyq oıyndaryn qarap otyrmyz. Búgin men balalarymmen birge arnaıy Qazaqstan quramasyna jankúıer bolyp keldim. Eki balamada Qazaqstan komandasynyń oıyndary unaıdy. Maǵan 15-ishni nómerdegi oıynshyny unady, kúshi myǵym jáne jaqsy qorǵanys uıymdastyrady, - dedi ol.

Onyń aıtýynsha, Qazaqstan quramasy hokkeıden ózderiniń myqtylyǵyn taǵy da dáleldedi.

Qytaılyq jankúıer: Balalarymmen Qazaqstandy qoldaýǵa keldim
Foto: Kazinform

– Shyny kerek, Qazaqstan hokkeı sportynan myqty ekenin kórsetti. Kezekti jeńisterińizben quttyqtaımyn, - dedi Fan hanym.

Sonymen qatar qytaılyq kórermen dostyq árqashanda birinshi bolý kerek ekenin basa aıtty.

– Men osy qysqy Azııa oıyndary arqyly Qytaı-Qazaqstan arasyndaǵy dostyqtyń tereńdeı berýine tilektespin. Meniń oıymsha, dostyq birinshi, al jarys ekinshi orynda, - dedi ol.

Aıta keteıik, hokkeıden Qazaqstan qyzdar quramasy A tobyndaǵy mańyzdy matchynda Ońtústik Koreıany 3:0 esebimen jeńip, kúmis júldege bir taban jaqyndady.

Qyzdar arasyndaǵy chempıondyq match Qytaı jáne Japonııa quramalary arasynda ótedi. Eger japondyq qyzdar jeńiske jetse, qazaqstandyqtar kúmis medal ıegeri atanady. Tıisinshe, qola medal Qytaıǵa buıyrady.

Osyǵan deıin habarlaǵanymyzdaı, qyzdarymyz A tobyndaǵy alǵashqy oıynda Japonııaǵa 0:4 esebimen jol bergen bolatyn

Al Qytaı quramasyna qarsy oıynda, qazaqstandyqtar 2:1 esebimen jeńiske jetti.

Сейчас читают