Qytaılyq telekom-operatorlar óz qyzmetterine DeepSeek JI modelin biriktirdi
ASTANA.KAZINFORM - Qytaıdyń úsh iri telekommýnıkatsııalyq kompanııasy - China Telecom, China Unicom jáne China Mobile óz qyzmetterine DeepSeek jasandy ıntellekt úlgisin ıntegratsııalady, dep habarlaıdy Kazinform tilshisi.
Qytaılyq BAQ-tyń habarlaýynsha, China Telecom, China Unicom jáne China Mobile platformalaryn DeepSeek-tiń JI modeline ashatyny týraly jańalyqtar Qytaıdaǵy eń iri baılanys operatorlary aktsııalarynyń qymbattaýyna ákeldi.
Birqatar qytaılyq avtoóndirýshiler de DeepSeek-tiń JI modelin platformalaryna biriktirý josparyn jarııalady.
Qytaıdyń qarjy sektorynda 10-nan astam brokerlik uıymdar men qorlar DeepSeek-tiń JI modelin iskerlik stsenarıılerge, sonyń ishinde ınvestıtsııalyq zertteýler men tutynýshylarǵa qyzmet kórsetýge engizý nıetin jarııalady.
Aıta keteıik, 2025 jyldyń qańtarynda qytaılyq DeepSeek startabynyń jańa JI DeepSeek-R1 chat-botynyń iske qosylýy jahandyq JI naryǵynda tańdanys týdyrdy.