Qytaılyq sportshy: Biz dodada qarsylas bolǵanymyzben ómirde dospyz

ıABÝLI. KAZINFORM — Qytaılyq sportshy Tsı Gýanpý Kazinform tilshisine eksklıýzıv suhbat berip, barsha qazaqstandyqtardy tarıhı altyn medalimen quttyqtady.

Tsı Gýanpý qazaqstandyq sportshylardyń chempıon bolǵanyna qýanyshty ekenin jetkizdi.

— Biz qazaqstandyq sportshylardyń jeńiske degen talpynysynyń kýási boldyq. Búgin, olardyń qanshama jyldan beri tókken teriniń aqtalǵanyna shyn júrekten qýanyshtymyz. Sizderdi osy jeńisterińizben quttyqtaǵymyz keledi, — dedi qytaılyq sportshy.

Aıta keterligi, marapattaý rásimi kezinde, kúmis jáne qola medal enshilegen qytaılyq sportshylar qazaqstandyq chempıondarǵa aıryqsha qurmet kórsetti. 

— Olardyń myqtylyǵy bizdiń qurmetimizge laıyq boldy. Minberde turǵanymyzda, eki shette qytaılyq sportshylar, al ortada qazaqstandyq sportshylar ekenin baıqadyq. Sol sebepti, dostarymyzdy erekshe tásilmen quttyqtap, qurmetimizdi kórsetkimiz keldi, — dedi Tsı Gýanpý.

Onyń aıtýynsha, sportshylar jarys alańynda qarsylas bolǵanymen, ómirde bir-birimen dos. 

— Biz kóptegen jyl boıy jarys jolynda qarsylas bolǵanymyzben, ómirde dospyz dep oılaımyn. Men osy kórsetken qurmetimiz aramyzdaǵy dostyqty nyǵaıtýǵa, birge osy sportty damytýǵa óz úlesin qosady dep senemin, — dedi qytaılyq sportshy.

Eske salaıyq, Qazaqstandyq sportshylar Sherzod Hashırbaev jáne Roman Ivanov frıstaıl-akrobatıkadan erler arasynda sınhrondy sekirý synynda 97.92 upaı jınap, el qorjynyna ekinshi altyn medal syılady.

Qazirgi ýaqytta, Qazaqstan quramasynyń medaldar sany 13-ke jetti.