Qytaılyq sarapshy: Joldaý Qazaqstannyń uzaq merzimdi damýynyń strategııalyq manıfesine aınalyp keledi
ASTANA. KAZINFORM — QR Prezıdenti Qasym-Jomart Toqaevtyń Joldaýy Astananyń jahandyq turaqsyzdyq jaǵdaıyndaǵy strategııalyq tańdaýyn kórsetedi jáne «jasampazdyq arqyly — birlikke, reforma arqyly — ádildikke» qaǵıdatyna negizdelgen egemendi jańǵyrtý baǵytyn belgileıdi. Beıjińde Qazaqstandy zertteý ortalyǵynyń dırektory, professor ıÝı Mýhýn Kazinform tilshisine osyndaı pikir aıtty.
Qytaılyq sarapshy atap ótkendeı, Qazaqstan táýelsizdiginiń 35 jyldyǵymen jáne jańa Konstıtýtsııanyń kúshine enýimen tuspa-tus kelgen osy tarıhı sátte «Halyqtyq qurylys» aýqymdy ınfraqurylymdyq baǵdarlamasy Joldaýdyń negizgi taqyrybyna aınaldy.
— Joldaýdyń eń aıqyn praktıkalyq quraly búkil el boıynsha áleýmettik, kólik jáne kommýnaldyq ınfraqurylymdy damytýǵa baǵyttalǵan «Halyqtyq qurylys» aýqymdy ınfraqurylymdyq baǵdarlamasy boldy, — dep atap ótti ol.
ıÝı Mýhýn ishki jáne syrtqy jaǵdaılardy keshendi baǵalaý negizinde Qazaqstan Prezıdenti saıası-ınstıtýttyq taqyryptan áleýmettik-ekonomıkalyq basqarýǵa aýysyp, negizgi ekonomıkalyq kórsetkishterdi jaqsartýǵa jáne uzaq merzimdi maqsattardy anyqtaýǵa nazar aýdarǵanyn aıtty.
— Іshki ınstıtýtsıonaldyq túrlený protsesteri men mańyzdy tarıhı datalar aıasynda jarııalanǵan Joldaý ádettegi jyldyq esep emes, kerisinshe eldiń uzaq merzimdi damýynyń strategııalyq manıfesine aınalyp keledi, — dedi professor.
Sarapshy sonymen qatar býynaralyq jaýapkershilik tujyrymdamasyn jáne kommertsııalyq saladaǵy quqyqtyq retteýdiń jetildirilýin atap ótti, jańa Alataý qalasy úshin arnaıy quqyqtyq rejımniń engizilýine, daýlardy derbes sheshý jáne sheteldik ınvestorlar kútetin nátıjelerdi turaqtandyrý úshin jalpy quqyqqa negizdelgen Investıtsııalyq sottyń qurylýyna toqtaldy.
Onyń aıtýynsha, Joldaý qubylmaly halyqaralyq arhıtektýra jaǵdaıynda resýrstarǵa baǵyttalǵan alpaýyt eldiń egemendi damý strategııasyn aıqyn kórsetedi.
— Jalǵyz kúsh ortalyǵyna táýeldilikten aýlaq bola otyryp, Qazaqstan óziniń mıneraldyq, aýylsharýashylyq jáne tranzıttik artyqshylyqtaryna súıenedi, Eýrazııadaǵy óndiristik jáne logıstıkalyq tizbekterge belsendi túrde aralasady, — dedi ol.
Sarapshynyń aıtýynsha, Qazaqstan tıimdi basqarýǵa, naryqtyq ekonomıkaǵa jáne áleýmettik kepildikterge negizdelgen damý modelin usynady. Bul tásil basqa elder úshin biregeı jańǵyrtý tájirıbesine aınalyp keledi.
Buǵan deıin reseılik sarapshy Qazaqstan Prezıdenti Joldaýynyń áleýmettik basymdyqtaryna baǵa bergen edi.
