Qytaılyq oqýshylar shatqaldaǵy mektepke «aspandaǵy avtobýspen» baratyn boldy
ASTANA. KAZINFORM - Qytaıdyń ıÝnnan ólkesi Nıchjýhe eldi mekenindegi oqýshylar mektepke «aspandaǵy avtobýspen» baratyn boldy. Bul týraly «Halyq Gazeti» basylymy habarlady.
— Nıchjýhe eldi mekeni shatqaldyń túbinde ornalasqan. Buryn jergilikti balalar mektepke barý úshin jartastarǵa shyǵyp, taý asyp, tas basýǵa májbúr bolatyn edi. Shatqal boıymen úsh-tórt saǵat jol basyp, bıiktigi 550 metr bolatyn taý joly arqyly jaıaý júrip, taýdyń basyndaǵy Gýanchjaı bastaýysh mektebine baratyn, - dep jazady derekkóz.
2022 jyldan bastap, Nıchjý ózeniniń úlken shatqaly mádenı týrızm aımaǵy jobasyna kirip, 268 metrlik lıft pen 200 metrge jýyq bıiktiktegi aspaly jol paıdalanýǵa berilgen.
Jaqyn mańdaǵy aýyldardyń turǵyndary bul ınfraqurylymdy tegin paıdalana alady. Shatqaldaǵy kórkem aımaq salynyp bolǵannan keıin balalar mektepke lıftpen jáne aspaly jolmen jarty saǵattan az ýaqyt ishinde jetip baratyn boldy.
Aıta keteıik, qytaıdaǵy etnıkalyq mońǵoldar «muzdaǵy arga» jarysyn ótkizgenin jazǵan bolatynbyz.