Qytaıda mınıstr Tan Jentszıan tártip buzǵany úshin tergeýge alyndy
ASTANA. KAZINFORM – Qytaıdyń Aýyl sharýashylyǵy jáne aýyldyq ister mınıstri Tan Jentszıan partııalyq tártip pen zańdy óreskel buzdy degen kúdikpen tergeýge alyndy. Bul týraly Tártiptik tekserý jónindegi ortalyq komıssııanyń saıtynda jarııalanǵan resmı málimdemede jazylǵan.
Málimdemege sáıkes, QHR Aýyl sharýashylyǵy jáne aýyl isteri mınıstrligi basshylyǵynyń partııalyq tobynyń hatshysy qyzmetin qosa atqaratyn Tan Jentszıanǵa qatysty tergeýdi tártipti tekserý jónindegi ortalyq komıssııa men memlekettik qadaǵalaý komıteti júrgizedi.
Tártiptik buzýshylyqtarǵa qatysty partııalyq tekserý ádette Qytaı sheneýnikteriniń sybaılas jemqorlyqqa qatysty áreketterine júrgiziledi.
Aıta keteıik, Tan Jentszıan QHR Aýyl sharýashylyǵy jáne aýyl ister mınıstri bolyp 2020 jyldyń jeltoqsan aıynda taǵaıyndalǵan bolatyn.
