Qytaılyq korporatsııa Qazaqstanda 100 megavatt elektr tutynatyn data-ortalyq salady
ASTANA. KAZINFORM — «Qazaqtelekom» aktsıonerlik qoǵamynyń basqarma tóraǵasy Baǵdat Mýsın Úkimet otyrysynda elde salynyp jatqan iri data-ortalyqtar týraly málimet berdi.
— Qosshy qalasynda 250 baǵany bar jańa derekter ortalyǵy qurýlyp jatyr. Energy China korporatsııasy 100 megavattyq 5000 baǵany bar iri ortalyqtyń qurylysyn kelesi jyly bastaıdy. Tıisti qujattarǵa qol qoıyldy. Bul sheteldik ınvestıtsııa esebinen salynatyn eń iri data-ortalyq bolady. Qazir tehnıkalyq-ekonomıkalyq negizdemesi men basqa da qujattary ázirlenip jatyr. Jobanyń 70 paıyzy Qytaı kompanııasynyń ınvestıtsııasy esebinen iske asady, — dedi «Qazaqtelekom» basshysy.
Aıta ketý kerek, Úkimettiń búgingi otyrysynda jylytý maýsymyndaǵy órt qaýipsizdigi sharalary pysyqtalyp jatyr.