Qytaılyq kompanııa Shıelide kún elektr stantsııasyn salyp jatyr

QYZYLORDA. KAZINFORM – Qyzylorda oblysynda jalpy qýaty 89 MVt bolatyn 9 kún elektr stantsııasy jumys istep tur.

Taǵy bir kún elektr stantsııasyn Shıeli aýdanynda qytaılyq kompanııa salyp jatyr.

Oblystyq kásipkerlik jáne ónerkásip basqarmasynyń málimetine súıensek, onyń qýattylyǵy — 40 MVt, joba quny — 11,5 mlrd teńge. Memlekettik qoldaý sharasy retinde bul maqsatqa 80 gektar jer berilgen. 

«Joba bastamashysynyń aqparatyna sáıkes, qazirgi ýaqytta qurylys jumysynyń 80%-y aıaqtalǵan. Stantsııany tamyz aıynda iske qosý josparlanyp otyr. Sol kezde jergilikti turǵyndar úshin 20 jańa jumys ornyn ashylmaq», - delingen habarlamada. 

Sondaı-aq Jambyl oblysynda qýaty 1 GVt jel elektr stantsııasy salynady.