Qytaılyq qazaq faıter UFC týrnırinde jeńiske jetti
ASTANA.KAZINFORM — Qytaıda týyp ósken ulty qazaq aralas jekpe-jek (MMA) sheberi Maqsat Qaısar (12-5-0) UFC týrnırinde kezekti jeńisine qol jetkizdi.
Qandasymyz qytaıdyń Shańhaı qalasynda ótken Road to UFC týrnıriniń basty jekpe-jeginde óner kórsetip, amerıkalyq faıter Darrıýs Flaýerspen (13-9-1) ózara myqtyny anyqtady.
Qortyndysynda Maqsat qarsylasyn alǵashqy raýndta qylqyndyrý ádisimen jeńdi.
Aıta keterligi, Maqsat Qaısar 2022 jyldan bastap UFC týrnırinde óner kórsetti. Osy aralyqta qandasymyz 7 jekpe-jek ótkizip, 3 qarsylasyn qapy qaldyrdy.
Faıter 2025 jyly sońǵy jekpe-jeginde amerıkalyq Geıdj ıAngtan jeńilip, týrnırden shyǵyp qalǵan bolatyn.
Maqsat Shańhaıdaǵy týrnırde qytaılyq qazaq faıter Taılaq Nurajynyń orynyna shyqty. Taılaq jaraqatyna baılanysty bul jekpe-jekten bas tartqan.
Osyǵan deıin habarlaǵanymyzdaı, qazaqstandyq Dııar Nurǵojaı Las-Vegasta UFC týrnırinde qarsylasyn 4 mınýt 59 sekýndta jeńdi.
Sonymen qatar, jeńil salmaqtaǵy qazaqstandyq faıteri Bekzat Almahan UFC uıymnyń rosterinen shyǵaryldy.
