Qytaılyq qazaq faıter Road to UFC týrnıriniń fınalyna joldama aldy

ASTANA. KAZINFORM — Qytaıdaǵy qandasymyz Baqytbol Batyrbolat Shanhaı qalasynda ótken «Road to UFC» týrnırinde ekinshi jekpe-jegin ótkizdi.

Sports.sina.cn saıtynyń habarlaýynsha, úsh raýndqa sozylǵan aıqasta qandasymyz ońtústikkoreıalyq qarsylasy Kım Han Soldi tóreshilerdiń biraýyzdan qabyldaǵan sheshimimen 29-28 esebimen jeńip, týrnırdiń fınalyna joldama alǵan. 

Aıta keteıik, Arystan patsha (Lion King) laqap atymen sharshy alańda óner kórsetip júrgen Baqytbol týrnırindegi debıýtin 2023 jyly Ońtústik Koreıa faıteri Von Bın Kıǵa qarsy ótkizip, jeńiske jetken bolatyn.

Road to UFC týrnıri — Azııa aımaqtyq irikteý básekesi sanalady.

Týrnır jeńimpazy UFC-men kelisim jasasyp, aýqymdy jekpe-jekter ótkizýge múmkindik alady.