Qytaılyq qazaq balýan Olımpıada chempıonynan utylyp qaldy
PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda Qytaı quramasyndaǵy qazaq balýan Kabıran Abýshaımanuly birinshi beldesýinde qarsylasynan utylyp qaldy.
Qandasymyz Parıjde alǵashqy beldesýinde amerıkalyq Rıo Olımpıadasynyń chempıony Kaıl Snaıderden 9:4 esebimen utyldy.
Qandasymyz Abýshaımanuly Ystanbuldaǵy álemdik irikteýde shırek fınaldan súrinbeı ótip, jartylaı fınalda qarsylasyna jol berdi. Alaıda, qola medal úshin talasta qarsylasyn aıqyn basymdyqpen utyp, úzdikter qataryna kirdi. Al Olımpıada joldamasy sarapqa salynǵan sheshýshi synda ózbekstandyq qarsylasyn 2:1 esebimen utyp, Parıj Olımpıadasyna joldamany jeńip alǵanyn jazǵan edik.
Aıta keteıik, 26 jastaǵy Kabıran Abýshaımanuly Qytaıdaǵy qazaqtar qonystanǵan Tarbaǵataı aımaǵy Dórbljin aýdanynda dúnıege kelgen.
Ol osyǵan deıin Jazǵy Azııa oıyndarynda qola medal jeńip alsa, Azııa chempıonatynda kúmis júldege qol jetkizgen.
