Qytaılyq qazaq balýan Azııa chempıonatynda qola júlde jeńip aldy
ASTANA.KAZINFORM – Qytaıda turatyn qandasymyz Kabıran Abýshaımanuly Iordanııa astanasy Amman qalasynda ótip jatqan Azııa chempıonatynda qola medal jeńip aldy.
Sınhýa agenttiginiń habarlaýynsha, Qazaq balýany erler arasynda erkin kúresten 97 keli salmaqta qola medal úshin beldesýde Qyrǵyz sportshysy Kanybek Abdýlhaırovty qapy qaldyrdy, esep 2:1.
Aıta keterligi, qandasymyz shırek fınalda Mońǵol balýany Ganhýıag Gambatardy 2:1 esebimen jeńgen bolatyn. Ókinishke oraı, ol jartylaı fınalda japonııalyq Arash Eshıdaǵa ese jiberdi.
Buǵan deıin habarlaǵanymyzdaı, 97 keli salmaqta kúresetin qazaqstandyq Rızabek Aıtmuhan fınaldyq beldesýde japondyq sportshyǵa jeńilip, kúmis medal ıelengen bolatyn.
Sondaı-aq, búgin Azııa chempıonatynda erkin kúresten qazaqstandyq bes balýan boz kilemge shyǵady.