Qytaılyq ǵalymdar ıakty sátti klondady

ASTANA. KAZINFORM — Qytaıdyń ońtústik-batysyndaǵy ıak ósirý bazasynda 10 shilde kúni kesar tiligi arqyly klondalǵan ıak dúnıege keldi, dep habarlaıdy BELTA.

Zertteýshilerdiń aıtýynsha, jańa týǵan buzaýdyń salmaǵy 33,5 kg bolǵan — bul ádettegi ıak tólderiniń salmaǵynan joǵary. 11 shilde kúni «Sınhýa» aqparat agenttiginiń tilshileri buzaýdy kórip, onyń tolyqtaı júrip ketkenin jáne densaýlyǵy jaqsy ekenin rastady.

Joba 2023 jyldyń shildesinde Chjetszıan ýnıversıtetiniń zertteý toby, Damsýn ýezi ákimdigi jáne Tıbet avtonomııalyq aýdany Plato bıologııa ınstıtýtynyń birlesken bastamasymen iske qosylǵan.

Ǵalymdar ıakty klondaý úshin tolyq genomdyq suryptaý jáne somatıkalyq jasýshalardy klondaý tehnologııalaryn qoldandy.

Zertteý tobyn basqarǵan Chjetszıan ýnıversıtetiniń professory Fan Shengonyń aıtýynsha, bul klondaý tehnologııasy ıak tuqymyn jetildirýge jáne Tıbet aımaǵynda taýly iri qara malyn ósirý júıesin damytýǵa mańyzdy ról atqarady.

Aıta ketelik Qytaı Altsgeımerdi emdeýde eksperımentaldy hırýrgııaǵa tyıym saldy.