Qytaılyq dárigerler qaterli isikke qarsy jańa em tapty

ASTANA. KAZINFORM — Qytaı ǵalymdary qan qaterli isigine qarsy jańa terapııany sátti synaqtan ótkizdi, dep habarlaıdy South China Morning Post. 

Synaqqa qatysqan tórt naýqastyń da jaǵdaıy jaqsara bastaǵan.

Jańa ádistiń negizi – aǵzadaǵy tek qaterli isik kletkalaryn iriktep buzatyn mehanızmdi iske qosatyn vırýs.

Emdeýdiń quny shamamen 130 000 dollar, kóp aqsha, biraq qoldanystaǵy emdeý ádisterinen tórt ese arzan.

Qazir qytaılyqtar astma men aýtoımmýndyq aýrýlardy emdeýdiń jańa ádisin qoldanýdy qarastyryp jatyr.

Eske sala keteıik, qaterli isikke qarsy otandyq dári qashan tirkeýden ótetini jaıly jazǵan edik. 

Elimizde balalar arasyndaǵy qaterli isikterden aman qalý kórsetkishi 70%-dan asady.

Qazaqstan Respýblıkasynda jyl saıyn balalar arasynda 800-den astam onkologııalyq jáne gematologııalyq aýrýlardyń alǵashqy jaǵdaıy anyqtalady. Olardyń shamamen 600-i qaterli isikterge, sonyń ishinde gemoblastozdarǵa, al 200-ge jýyǵy aýyr sıpattaǵy qatersiz gematologııalyq patologııalarǵa tıesili.