Qytaılyq BAQ: Sı Tszınpınniń Qazaqstan Prezıdentimen birinshi bolyp kezdesýiniń tereń máni bar
Qytaılyq BAQ Qazaqstan men Qytaı basshylarynyń kezdesýi týraly jaza kele, QHR Tóraǵasy Sı Tszınpınniń Qazaqstan Prezıdenti Qasym-Jomart Toqaevpen birinshi bolyp kezdesýiniń tereń máni bar ekenin atap ótti, dep habarlaıdy Kazinform.
Qytaıdyń CCTV arnasynyń tilshisi óziniń beınereportajynda bıyl «Bir beldeý, bir jol» bastamasyna 10 jyl tolǵanyn atap ótti.
"Tóraǵa Sı Tszınpın «Bir beldeý, bir jol» úshinshi sammıti qarsańynda ondaǵan eldiń basshylarymen ekijaqty kelissózder ótkizýdi josparlap otyr. Bul kelissózderdiń birinshisi Qazaqstan Prezıdenti Toqaevpen bolady. Óıtkeni, «Bir beldeý, bir jol» bastamasy alǵash bolǵan jer retinde Qazaqstannyń Qytaı úshin mańyzy zor», - dedi tilshi.
BAQ Sı Tszınpınniń 2013 jyly Qazaqstan elordasy Astanada sóılegen sózinde «Jańa Jibek jolynyń ekonomıkalyq beldeýin birlesip qurý» bastamasyn usynǵanyn eske saldy.
Qytaı jýrnalısi Qazaqstan «Bir beldeý, bir jol» jobasy bastalǵan jer ǵana emes, sonymen qatar bul mańyzdy halyqaralyq bastamanyń júzege asyrýdyń úlgili qatysýshysy ekenin atap ótti. Budan bólek, «Bir beldeý, bir jol» jobasyn damytý úshin Qytaımen kóptegen birlesken kúsh-jiger jumsap jatqany málim etildi.
«Qytaı men Qazaqstan joǵary sapaly birlesken jumys arqyly halyqaralyq qaýymdastyqqa yntymaqtastyqtyń úlgisin kórsetti», - dedi tilshi.
CCTV arnasynyń habarlaýynsha, «Bir beldeý, bir jol» bastamasy usynylǵannan keıin bir jyl ótpeı jatyp, Qytaı men Qazaqstan Lıanıýngan logıstıkalyq yntymaqtastyq ortalyǵyn qurdy. Bul «Bir beldeý, bir jol» bastamasy aıasynda sátti júzege asyrylǵan alǵashqy halyqaralyq joba. Joba dúnıe júzindegi teńizge shyǵa almaıtyn eń iri memleket Qazaqstandy baıtaq teńizben baılanystyryp, Ortalyq Azııa men álem arasyndaǵy ekonomıkalyq jáne saýda baılanystaryn jaqyndata túsedi.
CCTV tilshileri vıdeoreportajda Qazaqstan men Qytaıdyń onjyldyq birlesken yntymaqtastyǵy arqyly Eýropa men Azııa arqyly tasymaldaý baǵytyn quryp, halyqaralyq logıstıka jáne kólik salasyndaǵy yntymaqtastyqty jańa deńgeıge kótergenin aıtty.
Dál osy sebepti «Bir beldeý, bir jol» úshinshi Sammıti qarsańynda QHR Tóraǵasy birinshi bolyp Qazaqstan Prezıdentimen kezdesýdi jón kórdi.
Eske salaıyq, keshe Qasym-Jomart Toqaev Qytaı Halyq Respýblıkasyna resmı saparmen bardy.
Búgin Memleket basshysy QHR Tóraǵasy Sı Tszınpınmen kelissóz júrgizdi. Osy kelissóz nátıjesinde eki eldiń delegatsııa músheleri birqatar qujatqa qol qoıdy.
QR Prezıdenti Beıjińde Ábý Nasyr Ál-Farabıge qoıylǵan bıýstti saltanatty túrde ashty.
Keıin Q.Toqaev Beıjiń lıngvıstıkalyq ınstıtýtynda taǵylymdamadan ótken kezinde ózine dáris bergen professor Lıý Shıtsınmen áńgimelesip, SINOPEC kompanııasy dırektorlar keńesiniń tóraǵasy Ma ıÝnshendi qabyldady.
Odan ári Memleket basshysy YTO Express Co., Ltd kompanııasynyń basqarma tóraǵasy Iý Hýeı Dzıaony, CITIC Group kompanııasynyń basqarma tóraǵasy Chjý Hesındi qabyldady.
Al CRRC Sorporation Limited kompanııasynyń basqarma tóraǵasy ári atqarýshy dırektory Cýn ıÝntsaımen áńgime barysynda QTJ Qytaıdyń SRRC kompanııasymen quny 1,3 mlrd dollar bolatyn kelisimge qol qoıatyny belgili boldy.
