Qytaı áýe kompanııalary 700 mıllıon jolaýshy tasymaldap jańa rekord ornatty
ASTANA. KAZINFORM — Qytaılyq áýe kompanııalary 2024 jyly 700 mıllıonnan astam jolaýshy tasymaldaıdy. Bul týraly caacnews.com agenttigi habarlady.
Qytaıdyń azamattyq avıatsııa salasyn baqylaý derekteri boıynsha, bıylǵy 15 jeltoqsandaǵy jaǵdaı boıynsha qytaı áýe kompanııalary 700 mıllıon 480 myńnan astam jolaýshy tasymaldap, al ortasha táýliktik jolaýshy tasymaly 2 mıllıonnan asyp, bir jyl burynǵydan 18,1 paıyzǵa artty, 2019 jylmen salystyrǵanda 10,7%-ǵa ósti.
Bul Qytaıdyń azamattyq avıatsııasynyń damý tarıhyndaǵy jańa rekordty kórsetti.
Statıstıka kórsetkendeı, 2024 jyly Qytaıdyń ishki baǵyttary shamamen 640 mıllıon jolaýshy tasymaldaıdy, bul 2023 jyldan shamamen 13% jáne 2019 jyldyń sáıkes kezeńimen salystyrǵanda shamamen 14% ósý.
Halyqaralyq baǵyttaǵy jolaýshylar aǵyny da aıtarlyqtaı jaqsaryp keledi. Esepti kezeńde qytaılyq áýe kompanııalary halyqaralyq baǵyttar boıynsha 60 mıllıonnan astam jolaýshy tasymaldady, bul otken jylmen salystyrǵanda 130%-dan astamǵa artyp, 2019 jyldyń sáıkes kezeńimen salystyrǵanda shamamen 88%-ǵa deıin qalpyna kelgen.
Osyǵan deıin Qytaıda tranzıttik vızasyz júrý merzimi 10 kúnge uzartylǵany týraly jazdyq.