Qytaılar kólik ornyna velosıped minip, kúnine 6,6 mln lıtr benzın únemdep otyr

ASTANA. KAZINFORM — Qytaıda velosıpedterdiń jalpy sany 200 mıllıonnan, al elektrovelosıpedterdiń sany 380 mıllıonnan asty, dep jazady Sınhýa.

Bul týraly sársenbi kúni Qytaıdyń velosıpedter qaýymdastyǵy habarlady.

Salalyq uıymnyń málimetinshe, Qytaıdyń qala men qala mańyndaǵy turǵyndarynyń kúndelikti saparlarynyń árbir úshinshisi velosıped nemese elektrovelosıped arqyly jasalady.

Velosıpedter men elektrovelosıpedterdiń tanymaldyǵynyń artýy — olardyń yńǵaılylyǵy men tıimdiligine, sondaı-aq ekologııalyq sana-sezimniń joǵarylaýyna baılanysty. Qazir Qytaı turǵyndarynyń kóbi eki dóńgelekti kólikti kómirtek qaldyǵy az balama retinde tańdaı bastady.

Qaýymdastyqtyń baǵalaýynsha, Qytaıda velosıpedter men elektrovelosıpedterdi qoldaný arqyly kún saıyn aýaǵa 10 myń tonnadaı kómirqyshqyl gazynyń taralýynyń aldyn alýǵa bolady. Bul — orta eseppen alǵanda, 6,6 mıllıon lıtr benzın únemdeýmen birdeı.

Budan buryn seısenbi kúni Qytaı Birikken Ulttar Uıymynyń jyl saıynǵy ınnovatsııalyq saıasat reıtınginde alǵash ret úzdik ondyqqa kirip, Germanııany artta qaldyrǵanyn jazǵan edik.