Qytaı–Qazaqstan logıstıkalyq bazasy qurylǵaly 8 myńnan astam poıyz qabyldady
ASTANA. KAZINFORM – Qytaıdyń shyǵysyndaǵy Lıanıýngan portyndaǵy Qytaı–Qazaqstan logıstıkalyq bazasy 2014 jyldan beri 8 myńnan astam júk poıyzyna qyzmet kórsetti, dep habarlaıdy Sınhýa.
Dúısenbi kúni avtokólik bólshekteri tıelgen halyqaralyq júk poıyzy Qytaı–Qazaqstan logıstıkalyq bazasynan Ózbekstandaǵy Ablyq temirjol stansasyna jolǵa shyqty. Bul reıs atalǵan baza iske qosylǵannan bergi 8 myńynshy júk poıyzy boldy.
Nankın kedeniniń málimetinshe, bıylǵy birinshi jartyjyldyqtyń qorytyndysy boıynsha osy bazadan jáne keri baǵytta jóneltilgen Qytaı–Eýropa/Azııa júk poıyzdarynyń jalpy sany 485-ke jetti. Bul ótken jyldyń sáıkes kezeńimen salystyrǵanda 3,8 paıyzǵa kóp. Atap aıtqanda, bıyl maýsym aıynda bul kórsetkish alǵash ret 100-den asty.
Lıanıýngan portyndaǵy Qytaı–Qazaqstan logıstıkalyq bazasy 2014 jylǵy 19 mamyrda resmı túrde paıdalanýǵa berilgen. Ol Qytaı men Qazaqstan arasyndaǵy «Bir beldeý, bir jol» bastamasy aıasyndaǵy naqty jobalardyń biri ári jańa Eýrazııalyq transkontınenttik kópirdiń shyǵys bastapqy núktesindegi mańyzdy halyqaralyq logıstıkalyq hab sanalady.
Ótken jyldyń qorytyndysy boıynsha baza qyzmet kórsetken Qytaı–Eýropa/Azııa baǵytyndaǵy 915 júk poıyzy jalpy sany 75 030 standartty konteıner tasymaldaǵan. Al baza arqyly ótken jalpy júk aınalymy 5,1597 mln tonnaǵa jetip, ótken jylmen salystyrǵanda 13,74 paıyzǵa artty.
Aıta keteıik, buǵan deıin Qazaqstan-Qytaı shekarasyndaǵy sanıtarııalyq baqylaý qalaı júrgiziletinin jazdyq.
