Qytaıǵa vızasyz kirgen sheteldikter úlesi 77,9%-ǵa jetti

ASTANA. KAZINFORM — Qytaıda 2026 jyldyń birinshi toqsanynda shekaradan ótý sany 13,5%-ǵa artty, dep habarlaıdy Sınhýa.

Qytaıdyń kóshi-qon organdary 2026 jyldyń birinshi toqsanynda elge kirý jáne shyǵý sany 185 mln bolǵanyn tirkedi. Bul ótken jyldyń sáıkes kezeńimen salystyrǵanda 13,5%-ǵa kóp. Bul týraly QHR Kóshi-qon isteri jónindegi memlekettik basqarmasynyń málimetinde aıtyldy.

Derekterge sáıkes, onyń 91,66 mıllıony — Qytaıdyń materıktik bóliginiń turǵyndarynyń shekaradan ótýi. Bul kórsetkish 14,2%-ǵa artqan.

Al Sıangan (Gonkong), Aomen (Makao), Taıvan turǵyndary men shetel azamattary tıisinshe 72,49 mln jáne 21,33 mln ret shekaradan ótken. Bul kórsetkishter 10,3% jáne 22,3%-ǵa ósken.

Sonymen qatar, Qytaıǵa vızasyz rejımmen kirgen sheteldikterdiń úlesi olardyń jalpy sanynyń 77,9%-yn qurady.

Osydan buryn Qytaıdan Qazaqstanǵa kelýshi qandastar sany rekordtyq deńgeıge jetkenin jazǵan bolatynbyz.