Qytaıǵa, Vetnamǵa jáne Mysyrǵa jańa reıster ashylady
ASTANA. KAZINFORM – QR Kólik mınıstrligi turaqty negizde ushý geografııasyn keńeıtý jáne qoldanystaǵy marshrýt boıynsha reıster sanyn ulǵaıtý boıynsha jumys júrgizip jatyr. Bul týraly QR Kólik mınıstrliginiń baspasóz qyzmeti habarlady.
2025 jyldyń naýryz aıynan bastap «Air Astana» áýekompanııasy Vetnamǵa aptasyna 4 ret jıilikpen Almaty-Nıachang jáne aptasyna 3 ret jıilikpen Astana-Nıachang baǵyttary boıynsha jáne aptasyna 3 ret jıilikpen Almaty-Gýanchjoý baǵyty boıynsha Qytaıǵa jańa marshrýttar ashady.
Kóktemgi-jazǵy maýsymynan bastap «Air Cairo» áýekompanııasy aptasyna 1 ret jıilikpen Qostanaı-Sharm-el-Sheıh jáne aptasyna 2 ret jıilikpen Almaty-Hýrgada baǵytynda reıster ashýdy josparlap otyr. Sondaı-aq aptasyna 1 reıs jıiligimen Almatydan El-Alameınge reısterdi qaıta bastaý josparlanyp otyr.
Jańa baǵyttardyń ashylýy elder arasyndaǵy saýda-ekonomıkalyq, iskerlik jáne týrıstik yntymaqtastyqty odan ári damytýǵa yqpal etetin bolady.