Qazaq kıigi Qytaıǵa qalaı jetkiziledi — mınıstr jaýaby

ASTANA. KAZINFORM — Ekologııa jáne tabıǵı resýrstar mınıstri Erlan Nysanbaev Qazaqstannan Qytaıǵa kıikter qandaı jolmen jetkiziletini týraly suraǵan edik.

— Tásilder kóp, National Geographic ańdardy bir jerden, ekinshi jerge qalaı kóshiretinin kórsetedi. Árıne, iri ańdardy arnaıy konteınermen kóshiredi, mysaly, sýsıyr, arystan taǵy basqa. Kıik endi usaq janýar bolǵan soń, qazir ǵalymdarmen jetkizý máselesin talqylap jatyrmyz, — dep jaýap berdi Erlan Nysanbaev Úkimet otyrysynan keıin ótken baspasóz máslıhatynda.

Osylaısha mınıstr dál qazir kıikterdi jetkizý boıynsha naqty usynystyń joqtyǵyn aıtyp otyr. 

— Árıne, kıikterdi aıdap alyp kete almaıdy, qalaı bolǵanda da kólikpen alyp ketedi. Ártúrli tásilderi bar, — dep tolyqtyrdy vedomstvo basshysy.

Eske salaıyq, Qazaqstan Qytaıǵa 1500 kıik tartý etedi.

Aıta ketsek, ǵalymdar Qazaqstanda kıikterdiń 20 paıyzy retteýge jatatynyn aıtyp otyr. 

Buǵan deıin Ekologııa mınıstri elimizde qansha kıik atylýy múmkin degen saýalǵa jaýap berdi.