Qytaıǵa baratyn sheteldikter endi kóshi-qon kartasyn onlaın toltyrady
ASTANA. KAZINFORM – 20 qarashadan bastap Qytaıǵa baratyn sheteldikter elge kirý úshin qajetti mıgratsııalyq kartany aldyn ala onlaın toltyra alady, dep habarlaıdy BELTA.
Basylymnyń málimetinshe, sheteldik azamattar shekaralyq baqylaýdan ótýge 24 saǵattan erte emes ýaqytta onlaın formany toltyryp, QR-kod ala alady. Ony telefonda saqtaý nemese qaǵazǵa shyǵaryp alyp, ózimen birge alyp júrý qajet.
Onlaın toltyrý múmkindigi bolmaǵan sheteldikter kartany Qytaı shekaralyq baqylaý pýnktine kelgen soń toltyra alady. Ol úshin avtomattandyrylǵan pasporttyq baqylaý júıelerin nemese dástúrli qaǵaz nusqasyn paıdalanýǵa bolady.
Mıgratsııalyq kartany toltyrýdan kelesi sanattaǵy sheteldik azamattar bosatylady:
- Qytaı Halyq Respýblıkasynda turaqty turýǵa ruqsaty bar sheteldikter;
- 24 saǵattyq tikeleı tranzıtpen belgilengen aımaqtan shyqpaı ótetinder;
- Krýızdik laınermen kelip, sol kememen qaıta shyǵatyn jolaýshylar;
- Elge kiretin nemese elden shyǵatyn kólik quraldarynda jumys isteıtin sheteldik mamandar.
Eske salaıyq, buǵan deıin 2026 jyldan bastap Qytaıǵa baratyn qazaqstandyq kólikterge ruqsat shekteýsiz beriletini habarlanǵan edi.